ياليت مالي قلب

Admin عدد المساهمات : 1341 تاريخ التسجيل : 13/07/2011

للغايب اللي ذقت علقم غيابه
	اجمل تحيه مع جزيل المشاريه
اخلصت له حبي وياللغرابه
	أقفى وكن الحب شيٍ يسليه
ليته درى عن حالي اللي درابه
	جميع من شافه ولوكنت مخفيه
كلن درى عن لوعتي والكآبه
	إلا الذي قفّى وانا ميتٍ فيه
عيني بعد فرقاه مثل السحابه
	تنثر مطرها فوق خدي وتكويه
عنها الكرى هاجر وقفّت ركابه
	للخالي اللي ماشكى بُعد غاليه
والقلب ماردت ضلوعه صوابه
	كله جروح وشوق للي يداويه
جروح وشوق وزاد قسوة عذابه
	هموم فرقاً كل ساعه تعنّيه
عامين يالغايب انا في صبابه
	والله مدري هالعنا ويش تاليه
ياليت مالي قلب او ليت مابه
	حبٍ يجيب الهم للي وقع فيه